અમૃતગિરિ ગોસ્વામી

                પિતાજીની ઝૂંપડી મધ્યે
                                                પાંચ પુત્રો વસી શકે.
                પુત્રોના પાંચ મહેલોમાં
                                                પિતા કદી સમાય કે  ?
                                                  ………………..કવિ ચંપકલાલ વ્યાસ

અજ્ઞાન અને અવિધ્યા જેટલા જોખમકારક છે તેથી વધું જોખમકારક અનાઘિકારી ગુરુ પાસેથી પ્રાપ્ત કરેલું ભૂલ ભરેલું અથવા ગેર રસ્તે દોરનારું જ્ઞાન છે.

મહાન ફ્રેન્ચ નિબંધકાર મોન્ટેન કહે છે કે જીવનનું સાચું તત્વ જ્ઞાન એક જ છે અને તે છે સારી રીતે મરવાની કળા. પણ સારી રીતે જીવ્યા વિના સારી રીતે મરાતું નથી. એટલે કે સારી રીતે મરવાની કળામાં સારી રીતે જીવવાની કળાનો સમાવેશ થઈ જ જાય છે.

હું લાખ વાર બોલીશ તો પણ જેને સમજવું જ નથી તે નહિં જ સમજે તેમજ જેને સમજવું છે તે તો મારા બોલ્યા વિના પણ સમજી જશે…….ભગવાન બુધ્ધ

પાડો જન્મથી મૃત્યુ પરયંત પાડો જ રહે છે. જે પરિવર્તનશીલ નથી તે બધા આ શ્રેણીના માણસો છે.

પશુ, પંખી વિ. ને પશુ કે પંખી થવાનું કહેવાની જરુર નથી પડતી પણ માણસને કહેવું પડે છે કે તું માણસ થા, માણસ બન.

પરમાત્માએ મનુષ્ય અને પશુની રચના કરી છે. પરમાત્માએ મનુષ્યને સીધો બનાવ્યો છે જ્યારે પશુને આડા બનાવ્યા છે. પણ વક્રતા એ છે કે સીધો મનુષ્ય આડો- વાંકો ચાલે છે જ્યારે આડા પશુ સીધા ચાલે છે.

પ્રાર્થનામાં ખાલી ખાલી ફફડતા હોઠ કરતાં કોઈને મદદ માટે લંબાયેલા હાથ વધુ પવિત્ર હોય છે. …………આલ્ફ્રેડ હિચકોક

સ્વજન એટલે સ્વર્ગવાસ પછી પણ જતન કરનારો જણ.